Մասնակցություն ՀՀ կենտրոնական բանկում կազմակերպված ֆինանսական կրթության տեխնիկական աջակցության ծրագրի տարեկան հանդիպմանը

Ֆինանսական համակարգի հաշտարարի գրասենյակը մասնակցել է ՀՀ կենտրոնական բանկում անցկացված Տնտեսական համագործակցության և զարգացման կազմակերպության (ՏՀԶԿ, OECD) և Նիդերլանդների ֆինանսների նախարարության՝ ֆինանսական կրթության տեխնիկական աջակցության ընտրատարածքային ծրագրի տարեկան հանդիպմանը՝ «Ֆինանսական դիմակայունության ամրապնդում» խորագրով։ Եռօրյա հանդիպման ընթացքում տարբեր երկրների և կառույցների ներկայացուցիչների հետ քննարկվեցին ֆինանսական կրթության և գրագիտության զարգացմանը, ֆինանսական դիմակայունության ամրապնդմանը և ոլորտում առկա մարտահրավերներին առնչվող հարցեր։ Հանդիպումը նաև հնարավորություն տվեց մասնակիցներին փոխանակել փորձը, ներկայացնել իրենց երկրներում իրականացվող նախաձեռնությունները և քննարկել ֆինանսական կրթության ոլորտում հետագա համագործակցության ու զարգացման հնարավորությունները։ Երեք օրերի ընթացքում անցկացված քննարկումներն ու փորձի փոխանակումը կարևոր հնարավորություն էին նոր մոտեցումներին ծանոթանալու, արդյունավետ փորձը համադրելու և ֆինանսական կրթության զարգացման ուղղությամբ հետագա քայլերը նախանշելու համար։ Շնորհակալություն ՀՀ կենտրոնական բանկին, OECD-ին և Նիդերլանդների ֆինանսների նախարարությանը՝ այս կարևոր հարթակը ստեղծելու և մասնագիտական համագործակցության հնարավորության համար։

Փորձի փոխանակման այց Իռլանդիայի Ֆինանսական ծառայությունների և կենսաթոշակային գործերով օմբուդսմենի գրասենյակ

Գրասենյակի մասնագետները փորձի փոխանակման նպատակով այցելել են Դուբլին՝ Իռլանդիայի Ֆինանսական ծառայությունների և կենսաթոշակային գործերով օմբուդսմենի գրասենյակ՝ The Financial Services and Pensions Ombudsman (FSPO)։