Հաճախակի տրվող հարցեր

Ֆինանսական համակարգի հաշտարարին կարող եք դիմել՝

1. Այցելելով մեր գրասենյակ

Հասցե՝ ք. Երևան, Մ. Խորենացի փողոց 15, «Էլիտ Պլազա» բիզնես կենտրոն, 7-րդ հարկ (ոսկու շուկայի հարևանությամբ),

1. Զանգահարելով 060 70-11-11 հեռախոսահամարով,
2. Առցանց լրացնելով պահանջ-դիմումը https://fsm.am/submit-claim հղումով,
3. Ուղարկելով Ձեր պահանջ-դիմումը փոստով,
4. Ուղարկելով Ձեր պահանջ-դիմումը info@fsm.am էլեկտրոնային հասցեով:

Ֆինանսական համակարգի հաշտարարի ծառայություններն ամբողջովին անվճար են:

Ոչ, Հաշտարարը հաճախորդների բողոքները քննելիս որևէ ֆինանսական շահ չի հետապնդում։

Հաշտարարը չի ներկայացնում ո՛չ ֆինանսական կազմակերպությունների, ո՛չ հաճախորդների շահերը, այլ գործում է որպես չեզոք և անկախ միջնորդ, ում առաքելությունը ֆինանսական ոլորտում սպառողների իրավունքների պաշտպանությունն է։

Հաշտարարի գործունեությունը կախված չէ քննվող բողոքների քանակից կամ արդյունքներից․ նա գործերից ֆինանսական օգուտ չի ստանում։

Այսպիսով, Հաշտարարի միակ շահը ֆինանսական ոլորտում սպառողների իրավունքների պաշտպանությունն է։

1.      Ֆիզիկական անձինք,

2.      Իրավաբանական անձինք կամ անհատ ձեռնարկատերերը, ովքեր Հաշտարարին դիմելու պահին հանդիսանում են միկրոձեռնարկատեր։

ՀՀ կենտրոնական բանկի կողմից լիցենզավորված՝

·         Բանկերի

·         Վարկային կազմակերպությունների

·         Ապահովագրական ընկերությունների և բրոկերների

·         Գրավատների

·         Արտարժույթի առքուվաճառք իրականացնող անձանց

·         Դրամական փոխանցումներ իրականացնող անձանց

·         Հայաստանի ավտոապահովագրողների բյուրոյի

·         Վարկային բյուրոյի

·         Ներդրումային ընկերությունների

·         Ներդրումային ֆոնդի կառավարիչների, այդ թվում՝ կենսաթոշակային ֆոնդի կառավարիչների

·         Կենտրոնական դեպոզիտարիայի

·         10 մլն ՀՀ դրամը կամ դրան համարժեք արտարժույթով գումարը չգերազանցող բոլոր գույքային պահանջները,

·         Այն պահանջները, որոնք վերաբերում են վարկային տեղեկատվության շտկմանը։

 Նախքան պահանջը Ֆինանսական համակարգի հաշտարարին ներկայացնելը Դուք պետք է Կազմակերպությանը ներկայացնեք բողոք-պահանջ։ Բողոք-պահանջը անհրաժեշտ է ներկայացնել ֆինանսական կազմակերպությանը մեկ տարվա ընթացքում` սկսած այն պահից, երբ իմացել կամ կարող էիք իմանալ Ձեր իրավունքի խախտման մասին: Հաշտարարի գրասենյակի պահանջներն ընդունող խումբը կարող է աջակցել Ձեզ բողոքի կազմման հարցում։ 

Կազմակերպությունը պարտավոր է բողոք-պահանջը ստանալու պահից տասը  աշխատանքային օրվա ընթացքում Ձեզ տրամադրել վերջնական պատասխան:

Այս ժամկետը չի տարածվում վարկային բյուրոյի դեմ ներկայացված բողոք-պահանջների վրա․ վարկային բյուրոն գրավոր վերջնական պատասխան է տրամադրում այն ստանալու պահից տասնհինգ աշխատանքային օրվա ընթացքում:

Հաշտարարին կարող եք դիմել վեց ամսվա ընթացքում` սկսած այն օրվանից, երբ ստացել եք կազմակերպության վերջնական գրավոր պատասխանը կամ սահմանված ժամկետում վերջնական գրավոր պատասխան չեք ստացել: