Միջոցառումների օրացույց

Ս/թ նոյեմբերի 7-ին Ֆինանսական համակարգի հաշտարարի գրասենյակը կմասնակցի Հայաստանում ֆրանսիական համալասարանի կողմից կազմակերպվող ամենամյա աշխատանքային տոնավաճառին, որի ընթացքում ուսանողներին կներկայացվի Գրասենյակի գործունեության և առաջիկա ծրագրերի մասին։

Ս/թ նոյեմբերի 4-ին ՀՊՏՀ Ֆինանսական ֆակուլտետի 1-ին կուրսի ուսանողները կհյուրընկալվեն Ֆինանսական համակարգի հաշտարարի գրասենյակում։ Հանդիպման ընթացքում ուսանողները կտեղեկանան Ֆինանսական համակարգի հաշտարարի գրասենյակի գործունեության, ֆինանսական համակարգի կազմակերպությունների, նրանց կողմից մատուցվող ծառայությունների մասին։

Ս/թ հոկտեմբերի 27-ին Ֆինանսական համակարգի հաշտարարի գրասենյակի կողմից կանցկացվի սեմինար Մաշտոցի համալսարանի ուսանողների հետ։ Հանդիպման ընթացքում ուսանողները կտեղեկանան Ֆինանսական համակարգի հաշտարարի գրասենյակի գործունեության, ֆինանսական համակարգի կազմակերպությունների, նրանց կողմից մատուցվող ծառայությունների մասին։

Ս/թ հոկտեմբերի 24-ին Ոսկևազում Ֆինանսական համակարգի հաշտարարի գրասենյակի կողմից կանցկացվի «Զրույց կանանց հետ ֆինանսական ծառայությունների մասին» միջոցառումը, որի ընթացքում կներկայացվի տեղեկատվություն Ֆինանսական համակարգի հաշտարարի գրասենյակի, վճարային քարտերի, ավանդի, զեղծարարությունների տեսակների, վարկի, երաշխավորության և ապահովագրության վերաբերյալ։ Տեսական գիտելիքից բացի, հանդիպման ընթացքում կկազմակերպվեն թիմային գործնական աշխատանքներ և ինտերակտիվ խաղեր ֆինանսական թեմաներով։

Ս/թ հոկտեմբերի 22-24-ը Երևանում տեղի կունենա Ֆինանսական համակարգի հաշտարարի գրասենյակի կողմից  կազմակերպված 13-րդ ամենամյա միջազգային կոնֆերանսը՝ «Ֆինանսական օմբուդսմենի ինստիտուտը․ զեղծարարությունների կանխարգելումից դեպի արդար լուծում» խորագրով: Այս միջոցառումը մեկ հարթակում կհամախմբի Հայաստանի և արտասահմանի առաջատար փորձագետներին՝ քննարկելու թվային ֆինանսական միջավայրում աճող զեղծարարությունների դեմ պայքարի գլոբալ մարտահրավերները և վեճերի արդյունավետ լուծման ժամանակակից մոտեցումները:

Ս/թ հոկտեմբերի 22-24-ը Արագածոտնի մարզի Ոսկևազ գյուղում կկազմակերպվի ֆինանսական գրագիտության եռօրյա դպրոց 15-18 տարեկան աշակերտների համար։ Եռօրյա դպրոցի մասնակիցները կստանան տեսական և գործնական գիտելիքներ ֆինանսների, խնայողությունների, կրիպտոակտիվների, երաշխավորության, ապահովագրության, ՀՀ ֆինանսական համակարգի, սեփական շահերի պաշտպանության մասին, տարբեր ինտերակտիվ խաղերի միջոցով կամրապնդեն իրենց գիտելիքները և կմասնակցեն ֆինանսների վերաբերյալ տարբեր մրցութային խաղերի։ Միջոցառման ավարտին մասնակիցները կստանան  հավաստագրեր և խրախուսիչ մրցանակներ։

Ս/թ հոկտեմբերի 21-ին Ֆինանսական համակարգի հաշտարարի գրասենյակը կհյուրընկալի Արագածոտնի մարզի Մուղնիի, Աշտարակի և Ճարճակիսի դպրոցների ուսուցիչներին։ Սեմինար-հանդիպման ընթացքում կներկայացվի տեղեկատվություն Ֆինանսական համակարգի հաշտարարի գրասենյակի, վճարային քարտերի, ավանդի, զեղծարարությունների տեսակների, կրիպտոակտիվների, վարկի, երաշխավորության և ապահովագրության վերաբերյալ։ Տեսական նյութից բացի կիրականացվեն գործնական աշխատանքներ և կկազմակերպվեն ինտերակտիվ խաղեր՝ դասընթացն ավելի հետաքրքիր դարձնելու և ստացած գիտելիքներն ամրապնդելու նպատակով։

Ս/թ հոկտեմբերի 20-ին Ֆինանսական համակարգի հաշտարարի գրասենյակը կհյուրընկալի Շիրակի մարզի Գյումրիի, Թորոսգյուղի, Գոգհովիտի, Անուշավանի, Նահապետավանի, Վարդաքարի, Նոր Կյանքի և Արթիկի դպրոցների ուսուցիչներին։ Սեմինար-հանդիպման ընթացքում կներկայացվի տեղեկատվություն Ֆինանսական համակարգի հաշտարարի գրասենյակի, վճարային քարտերի, ավանդի, զեղծարարությունների տեսակների, կրիպտոակտիվների, վարկի, երաշխավորության և ապահովագրության վերաբերյալ։ Տեսական նյութից բացի կիրականացվեն գործնական աշխատանքներ և կկազմակերպվեն ինտերակտիվ խաղեր՝ դասընթացն ավելի հետաքրքիր դարձնելու և ստացած գիտելիքներն ամրապնդելու նպատակով։